Mukiriya, hamagara kuri 0783734945 tukwamamarize ibikorwa

INKURU ZIGEZWEHO

Ubwongereza: Barindwi nibo bamaze gupfa nyuma yo guterwa AstraZeneca



Yanditswe na UZABAKIRIHO Jean Gabriel Yasomwe na

Abantu barindwi nibo bamaze gupfa mu Bwongereza kubera ivura ry’amaraso ryabaye nyuma y’aho baterewe urukingo rwa AstraZeneca, nk’uko bivugwa n’ikigo gishinzwe imiti muri icyo gihugu.

Ibi bibaye inyuma y’aho habonekeye abantu bake bagize ikibazo cy’amaraso avura bamaze guterwa urwo rukingo.

Kugeza ku wa 24 z’ukwa gatatu, mu bantu bangana na miriyoni 18 bari bamaze guhabwa uru rukingo, 30 muri bo nibo bagize iki kibazo cy’ivura ry’amaraso.

Amakuru dukesha BBC yemeza ko ishami rya ONU rishinzwe ubuzima bw’abantu ku isi OMS/WHO hamwe n’ishyirahamwe rya Buraya rishinzwe imiti, yombi avuga ko inyungu z’uru rukingo ziruta kure ingaruka rushobora kugira.

Umuvugizi wa AstraZeneca avuga ati: "Amagara y’umurwayi nicyo kintu dukomeza gushyira imbere".

Abahanga hamwe n’abashinzwe imiti kw’isi barimo baribaza niba uru rukingo ari rwo koko rutera iri vura ry’amaraso, urugero bishobora kuba, n’inkurikizi ku mugambi wo gukingira.

Aya makenga niyo yatumye ibihugu bimwe na bimwe harimo Ubudage, Ubufaransa, Ubuholande hamwe na Canada, bifata umwanzuro w’uko uru rukingo ruhabwa abageze mu zabukuru gusa.

Umubare washyizwe ahabona n’ikigo gishinzwe imiti mu Bwongereza MHRA byerekana ko abantu 22 aribo bagize ibibazo by’ivura ry’amaraso mu bwonko, kizwi nka thrombose du sinus veineux cérébral (cyangwa cerebral venous sinus thrombosis,CVST).

Hari abandi umunani nabo basanze bafite ibimenyetso bishobora gutuma amaraso yabo avura.

Mu butumwa murabyo (e-mail) ikigo MHRA cyohereje BBC, cyamenyesheje ko "abantu barindwi bapfuye".

None rwaba ari uru rukingo rutera izi ngorane?

Kugeza ubu, ntibirasobanuka neza.

Mu ntango z’icyi cyumweru, ikigo kijejwe imiti ku mugabane wa Buraya (EMA) cyavuze ko nta kibyemeza ariko ko bishoboka.

Muri kino gihe, isi yose ikomeza gusuzuma neza aya makuru, ariko ubusobanuro nyabwo bushobora gufata igihe kitari gito.





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO