Mukiriya, Hamagara kuri 0783734945 na 0725200315 tukwamamarize ibikorwa

INKURU ZIGEZWEHO

Polisi yataye muri yombi abagore barindwi n’umugabo umwe basengaga bambaye ubusa



Yanditswe na MUNYENTWALI Jerome Yasomwe na

Police ikorera mu karere ka Rukiga muri Uganda yataye muri yombi abagore barindwi n’umugabo umwe ubwo bari munzu bita urusengero bari gusenga bambaye ubusa.


Abafashwe basengeraga mu rusengero rufite iri zina

Aba batawe muri yombi bavuga ko iyi nzu basengeragamo ari urusengero rwitwa ’Full Gospel Church’ rwahoze ari inzu y’uwitwa Adah Kahababo, iherereye mu gace ka Kangondo mu karere ka Rukiga.

Aba bantu bavuga ko bafashwe barimo gusenga, batawe muri yombi ku wa Kabiri tariki 2 Ukwakira 2018 na Komanda wa polisi muri aka karere John Mawure hamwe n’umuyobozi mu karere Emmy Ngabirano ku bufatanye n’abaturage bo muri ako gace.

Polisi yabajije uyu mugabo bita pastor Elias Mubangizi impamvu asengana n’abagore b’abandi bagabo kandi bambaye ubusa.

Aba bagore bose uko ari barindwi basanzwe bari gusengana na pastor Aggrey Elias Mubangizi bose bambaye ubusa; ni uwitwa, Adah Kahababo ari nawe ny’ir’inzzu basengeragamo, Christine Arinda ,Hope Nyamurungi, Apohia Tumusiime, Annah Mugabirwe, Angella Nyangoma na Moreen Nyangoma bose bakaba batuye muri Rukiga.

Umwe mu bayobozi basanze aba bantu muri iki gikorwa cyateje urujijo yagioze ati “ Twubaha uburenganzira bwa buri wese mu myemerere ye, ariko abakorera mu nsengero zitazwi bo ntabwo tuzabihanganira.Aba batawe muri yombi basengaga mu buryo bunyuranyije n’amategeko mu nzu y’umuturage kandi banambaye ubusa.”

Yakomeje avuga ko nk’ubuyoboizi batazemerera abasenga mu buryo bunyuranyije n’amategeko basengera ahantu hatazwi, avuga ko bagomba kubarwanya bitaraba nk’igihe uwitwa Joseph Kibwetere yayobeje abantu ibihumbi n’ibihumbi bagahira mu rusengero rwe rwari mu karere ka Kanungu mu mwaka wa 2000.

Aba bayobozi kandi bakomeza bavuga ko bafite amakuru y’uko aba bantu batawe muri yombi basenga bambaye ubusa, ngo bamaze icyumweru kirenga basengera mu nzu basanzwemo kandi barataye ingo zabo.

Source:Ukwezi.com





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO

KWAMAMAZA

KWAMAMAZA