Mukiriya, hamagara kuri 0783734945 tukwamamarize ibikorwa

INKURU ZIGEZWEHO

COVID19: Leta ya Tanzania yaba igiye kuzana inkingo no gutangira gutanga amakuru?



Yanditswe na UZABAKIRIHO Jean Gabriel Yasomwe na

Itsinda ryashyizweho na leta ryagiriye inama guverinoma ya Tanzania gutekereza kuzana inkingo za Covid-19 no gutangaza amakuru y’iki cyorezo mu gihugu.

Kuva mu kwezi kwa gatanu umwaka ushize Tanzania - igitegekwa na John Magufuli, yahagaritse gutangaza amakuru agendanye na coronavirus.

Inkingo za Covid zimaze kwemezwa ku isi, Perezida Magufuli - wapfuye mu kwezi kwa gatatu azize indwara - yavuze ko Tanzania idakeneye inkingo za Covid-19 kandi itazazinjiza mu gihugu.

Mu kwezi gushize, Perezida mushya Samia Suluhu Hassan ageze ku butegetsi yashyizeho itsinda ryo gusuzuma no kugira inama leta ku cyakorwa ku cyorezo cya Covid-19.

Ku gicamunsi kuwa mbere iri tsinda ryageje ku biro bya perezida i Dar es Salaam raporo yaryo irimo inama 18 kuri guverinoma, nk’uko umunyamakuru wa BBC muri Tanzania abivuga.

Iryo tsinda ritanga inama y’uko leta yareba uko izana inkingo za Covid-19 zigahabwa mbere na mbere amatsinda yihariye nk’abaganga n’abantu bari mu zabukuru, zigaterwa ababyifuza.

Amakuru agera kuri BBC avuga ko iryo tsinda rigizwe n’abantu 14 ryatanze kandi inama yo gutangaza amakuru arebana na Covid amaze umwaka adatangazwa mu gihugu.

Amakuru ya nyuma aheruka gutangwa umwaka ushize ku itariki 17 z’ukwa gatanu, yavugaga ko abanduye Covid muri Tanzania ari 509 naho abo yishe ari 21.

Abantu ku giti cyabo, n’imiryango nka Kiliziya Gatolika, bagiye bavuga ko Covid muri Tanzania ari ’ibanga rizwi na bose’ kandi hari abo yishe batari bacye, ibyo leta itigeze yemeza.

KURIKIRA ANDI MAKURU Y’IGICAMUNSI KURI IYI VIDEWO:





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO