Mukiriya, Hamagara kuri 0783734945 na 0725200315 tukwamamarize ibikorwa

INKURU ZIGEZWEHO

Rubavu : Imbwa ziraribwa zikagaburirwa n’abatabizi



Yanditswe na MUNYENTWALI Jerome Yasomwe na

Umugabo witwa Turinimana Innocent utuye Mu Mudugudu wa Gafuku, Akagari ka Gikombe mu Murenge wa Rubavu, mu karere ka Rubavu avuga ko arya inyama z’ibikooko bitandukanye cyane iz’imbwa ndetse akaba azisangira na bamwe muri bagenzi be batabizi.Si uyu gusa kuko hari itsinda ry’abantu bazirya muri aka gace ntibabigaragaze.


Turinimana yivugira ko amaze kurya imbwa 32

Mu gitondo cyo kuri uyu wa Kane mu kiganiro Zindukia cyo kuri Radio 10 humvikanye amajwi ya Turinimana yivugira uburyo arya inyama z’imbwa ndetse ko ziri no muzimuryoherra cyane kuko amaze kurya izigera kuri 32.

Uretse uyu mugabo wiyemerera ko arya imbwa ndetse n’utundi tunyamaswa, hari abandi batuye i Rubavu bahamagaye abanyamakuru bo muri iki kiganiro batagaragaje amazina yabo, bivugiraga barya inyama z’imbwa banahishura ko bagize itsinda rigari ry’abazirya.

Mu kiganiro kirambuye Turinimana yagiranye n’umunyamakuru uri i Rubavu, yavuze ko kurya inyama z’ibikoko benshi mu banyarwanda batinya, yabyigiye muri Repubulika iharanira Demokarasi ya Kongo kuko ngo yahabaye igihe kirekire.

Yagize ati “Impamvu natinyutse kurya imbwa, nakunze kuba muri Congo cyane.Hari aho twajyaga kurira burushete (brouchette) baduha inyama tukayoberwa ubwoko bwazo, wabaza uwazokeje akavuga ko nawe atazi iyo ariyo. Ibyo byose byatumye ntinyuka inyama iyo ariyo yose.”


Akaboga k’imbwa, kamwe mu turyohera Turinimana bikomeye

Uretse kuba Turinimana arya imbwa, ngo yanagergeje kurya ku nturo (injangwe) anayisangira n’abantu ariko ntiyababwira ko ari injangwe.

Yagize ati “Hari inturo yari yarazengereje umukecuru duturanye, maze rimwe arampamagara ngo njye kuryimwirukanira mu nzu, ariko kuko nari mfite umuhogo wo kumva uko injangwe zimera, narayifashe ndayitwara njya kuyibaga.”

Yunzemo ati “Nyigejeje mu rugo nayitunganyije neza ndayikaranga, nsonga n’ubugari ntumira inshuti n’abavandimwe baza kuryaho. Kubera umunopfu yari ifite bambazaga ari inyama bwoko ki nkababwira ko ari igikwavu naguze mu isoko cyari cyarabaye ingumba, akaba ariyo mpamvu cyabyibushye cyane.”

Avuga ko abariye kuri iyo nturo bose batashye bikomba iminwa kubeera ukuntu yari iryoshye.

Turinimana avuga ko iyo bagiye kurya inyama z’imbwa cyanzwa injangwe birinda gukora ku gahanga ngo kuko ariho haba hari ubumara bushobora kuba bwabahitana.

Ngo mu bice barya harimo inyama z’umubiri, umutima n’imyijima, ndetse n’umurizo.

Undi muturage utuye i Rubavu wiyemerera ko nawe ari mu itsinda rirya inyama z’imbwa wahamagaye kuri Radio 10 yavuze ko inyama zazo ziryoha cyane.

Undi muturage wo mu murenge wa Rugerero mu Karere ka Rubavu ashimangira ko hari abaturage bazirya ngo kuko mu gace ko mu Bakara bazimaze baziba.

Umunyamakuru waganiriye na bamwe barya imbwa mu murenge wa Rubavu mu gace ka Bugoyi ndetse akanagera aho bamwe mu bazirya bazibagira, yavuze ko nawe yiboneye impu zazo ndetse ngo hari n’abo yasanze barimo kuzirya.

Source:Ukwezi.com





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO

KWAMAMAZA

KWAMAMAZA