Mukiriya, Hamagara kuri 0783734945 na 0725200315 tukwamamarize ibikorwa

INKURU ZIGEZWEHO

Gakenke: Batatu bakekwaho kwica Niyonzima Jean Pierre bagamije kumwambura amafaranga batawe muri yombi.



Yanditswe na MUNYENTWALI Jerome Yasomwe na

Nyuma y’uko umurambo w’umugabo witwa Niyonzima Jean Pierre utoraguwe mu mugezi wa Gaseke mu Murenge wa Rusasa mu Karere ka Gakenke uhambiriye mu mufuka, hari abantu batatu bamaze gutabwa muri yombi bakurikiranyweho kwica uyu mugabo bagamije kumwambura amafaranga yari yabikuje muri banki.

Urwego rw’Igihugu rushinzwe ubugenzacyaha (RIB) rwatangaje ko rwataye muri yombi Habimana Aphrodice, Mushimiyimana Celestin na Uwamukijije Damien, bakekwaho icyaha cyo kwica uwitwa Niyonzima Jean Pierre ku itariki 31 Ukwakira 2018 mu Karere ka Gakenke.

Aba bakekwaho kumwica biriranywe mu kabari bagambiriye kumwambura amafaranga yari amaze kubikuza muri banki. Umurambo wa nyakwigendera ukaba warasanzwe mu mugezi wa Gaseke. Aba bose bakaba bacumbikiwe kuri sitasiyo ya Polisi i Janja mu gihe iperereza rigikomeje.

Abo mu muryango wa nyakwigendera bahamya ko bamuherukaga ku wa Kabiri ubwo yavaga mu rugo agiye gufata amafaranga ibihumbi 250 y’u Rwanda yari yasaguriwe ku cyamunara yari aherutse guterezwa, bikavugwa ko abamwishe ari yo bari bagamije kumwambura.





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO

KWAMAMAZA

KWAMAMAZA