Mukiriya, Hamagara kuri 0783734945 na 0725200315 tukwamamarize ibikorwa

INKURU ZIGEZWEHO

Maj. Gen Muganga yagizwe umugaba w’Inkeragutabara asimbura Gen. Ibingira



Yanditswe na MUNYENTWALI Jerome Yasomwe na

General Fred Ibingira wari umaze imyaka 8 ari Umugaba w’Inkeragutabara, yasimbuwe kuri uyu mwanya na Maj General Aloys MUGANGA, umwe mu basirikare bakuru baherukaga kuzamurwa mu ntera mu ntangiriro z’uyu mwaka.

Kuri uyu wa Kabiri tariki 20 Ugushyingo 2018 nibwo Ingabo z’u Rwanda zatangaje ko Perezida wa Repubulika y’u Rwanda akaba n’Umugaba w’Ikirenga w’Ingabo z’u Rwanda, yagize Maj General Aloys MUGANGA, umugaba w’Inkeragutabara, asimbura kuri uyu mwanya General Ibingira.

Muri Mutarama uyu mwaka nibwo Maj General Aloys Muganga yari yazamuwe mu ntera avanwa ku ipeti rya Brigadier General agirwa Major General, bamwe mu bazamuriwe rimwe kuri iri peti ubu bakaba baranahawe imyanya mu buyobozi bw’ingabo z’igihugu, abo bakaba barimo na Minisitiri mushya w’Ingabo, Maj General Albert Murasira.

Abandi bari bazamuriwe rimwe icyo gihe ni Maj Gen Charles KARAMBA wari usanzwe ari Umugaba Mukuru w’Ingabo zirwanira mu kirere kuva tariki 28 Ukwakira 2015, hakaza Maj General Eric MUROKORE, Maj General Emmy RUVUSHA, Maj General Emmanuel BAYINGANA, Maj General Joseph NZABAMWITA, Maj General Andrew KAGAME, Maj General Charles RUDAKUBANA, Maj General Ferdinand SAFARI, Maj General Jean Jacques Laurent MUPENZI na Maj General Innocent KABANDANA.

Inkeragutabara zigizwe n’abanyarwanda binjira muri uwo mutwe ku bushake. Inkeragutabara zigizwe n’Ingabo Zirwanira ku Butaka hamwe n’inzobere. Inkeragutabara z’Inzobere zigizwe n’Ingabo n’abasivile bafite ubumenyi bwihariye nko mu by’imbunda n’imikorere yazo, amategeko, ubuvuzi, ikoranabuhanga, ubukanishi, gutwara imodoka cyangwa indege.

Mu gihe cy’intambara, cy’ibyago bigwiririye igihugu, kubera impamvu z’amahugurwa cyangwa mu bindi bihe byose bibaye ngombwa, abagize Inkeragutabara bashobora guhamagarirwa kujya mu mitwe ikora akazi ka gisirikare ku buryo buhoraho cyangwa bagategekwa n’abategetsi babifitiye ububasha gukora indi mirimo. Inkeragutabara zishobora guhamagarwa zose hamwe cyangwa zimwe muri zo.


Gen. Fred Ibingira wari Umugaba mukuru w’inkeragutabara





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO

KWAMAMAZA

KWAMAMAZA