Mukiriya, Hamagara kuri 0783734945 na 0725200315 tukwamamarize ibikorwa

INKURU ZIGEZWEHO

Cyitabi:Abantu bataramenyekana bagabye igitero cyahitanye 2 banatwika imodoka 3



Yanditswe na MUNYENTWALI Jerome Yasomwe na

Mu murenge wa Cyitabi mu Karere ka Nyamagabe mu Ntara y’Amajyepfo hagabwe igitero cy’abantu bataramenyekana,kigabwa ku modoka zari zitwaye abagenzi,abantu babiri (2) bahasiga ubuzima, umunani (8 ) barakomereka, kinatwika imodoka eshatu .

Ibi byabaye ku gicamunsi cyo kuri uyu wa Gatandatu tariki ya ahagana saa 15 Ukuboza 2018, nk’uko byagaragaye mu itangazo ryashyizwe ahagaragara na Minisiteri y’Ingabo z’u Rwanda.

Iri tangazo rikomeza rivuga ko abantu 8 bakomerekeye muri iki gitero bahise bajyanwa mu bitaro bya Kigeme biherereye muri aka Karere ka Nyamagabe kugira ngo bakomeze kwitabwaho n’abaganga.

Umuvugizi w’Ingabo z’u Rwanda, Lt Col Munyengango Innocent yavuze ko RDF yahise ikurikirana abagabye iki gitero bahungiye mu ishyamba rya Nyungwe.

Yagize ati “Tumaze igihe dukurikirana aka gace, ubu turatekereza ababa bihishe inyuma y’iki gikorwa. Turimo gukurikirana abagabye iki gitero kandi haraza kugira igikorwa ku babigizemo uruhare.”

Iki gitero cyagabwe mu Karere ka Nyamagabe gakora ku ishyamba rya Nyungwe, kije gikurikirana n’ibindi bitero byagabwe mu Murenge wa Nyabimata mu Karere ka Nyaruguru nako gakora kuri Nyungwe, kigabwa n’abantu batamenyekanye bari bitwaje intwaro zirimo n’imbunda muri Kamena no muri Nyakanga, abaturage babiri bahasiga ubuzima, abandi barakomereka, hanasahurwa ibintu byabaturage birimo ibiribwa n’amatungo.

Icyo gihe Polisi y’u Rwanda yatangaje ko abo bagizi ba nabi bateye baturutse mu gihugu cy’u Burundi banyuze mu ishyamba rya Nyungwe, ari nayo nzira banyuze basubirayo.

Ubwo Umukuruw’Ighugu Paul Kagame yitabiraga imyitozo yo kurasa yabereye mu kigo cya Gabiro mu cyumweru gishize,yavuze ko umunsi hazagira uwibeshya agashaka gutera u Rwanda, atazasubira aho azaba yaturutse kuko ingabo z’u Rwanda zizamugumana yaba ari muzima cyangwa atakiri muzima.

Yagize ati "[ ...] Ushobora kwifuriza u Rwanda nabi ukavuga ngo u Rwanda uwaduha ngo rumere gutyo... Ajye agenda araguze, asenge, akore ibyo ashatse akomeze yifurize u Rwanda nabi, ariko umunsi hagize uwibeshya akatwishoraho ntabwo azasubira aho yaturutse, ntabwo byakunda. Tuzamugumana hano yaba muzima yaba atari muzima..."





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO

KWAMAMAZA

KWAMAMAZA