Mukiriya, Hamagara kuri 0783734945 na 0725200315 tukwamamarize ibikorwa

INKURU ZIGEZWEHO

Agateganyo: Félix Tshisekedi niwe watsinze amatora y’umukuru w’Igihugu muri, Congo-Kinshasa.



Yanditswe na MUNYENTWALI Jerome Yasomwe na

Felix Tshisekedi w’imyaka 55 , Umuhungu wa Etienne Tchisekedi wabaye impirimbanyi ya politiki ikomeyue cyane muri Repubulika iharanira Demokarasi ya Congo, niwe wegukanye umanya w’umukuru w’igihugu, mu majwi amaze gutangazwa by’agateganyo na Komisiyo y’amatora y’iki gihugu CENI.

Ibyavuye mu matora ku buryo bw’asgateganyo byatangiye gutangazwa mu ijoro ryo kuwa gatatu rishyira uwa kane, tariki ya 09-10 Mutarama 2019, I Kinshasa mu murwa mukuru.

Bwa mbere mu mateka y’Igihugu kinini kurusha ibindi byose muri Afurika, Repubulika iharanira Demokarasi ya Congo, umukandida w’uruhande rutavuga rumwe n’ubutegetsi atsindiye kuyobora iki gihugu binyuze mu nzira z’amatora.

Komisiyo y’Igihugu y’amatora yatangaje ko kugeza ubu Felix Tshisekedi yabaruriwe amajwi yamutoye angana na 7 051 013, ahwanye na 38,57 %. Ibi bivuze ko nibura umwe muri batatu batoye, yatoye Felix Tshilombo Tshisekedi.

Felix Tshisekedi akesha izina Ise umubyara Etienne Tshisekedi

Mu gihe hataratangazwa byinshi ku mwirondoro wa Felix Tchisekedi, abakurikiraniye hafi ibya politiki ya RDC, ntibahwemye gutangaza ko nyuma y’Urupfu twa Etienne Tschisekedui wahanganye na Leta zose zabayeho muri RDC asaba impinduka, kugeza atabarutse atabigezeho, bahise bimurira urugwiro n’urukundo bari bamufitiye ku muhungu we, wari uje kugera ikirenge mu cya se.

Umukandida w’ishyaka rya Joseph Kabila yabaye uwa gatatu

Mu majwi yatangajwe na Komisiyo yigenga y’amatora, abatoye ni 47,56%. y’abari banditswe bujuje ibisabwa. Muri abo bose, uwatowe ku majwi menshi kugeza ubu ni Félix Tshisekedi, uwamukurikiye mu majwi ni Martin Fayulu nawe utavuga rumwe n’ubutegetsi watowe n’abagera kuri 6 366 732 bangana na 35,2%, naho Emmanuel Ramadhan Chadary wo mu ishyaka riri ku butegetsi wari wanatanzwe na Perezida Kabila nk’umukandida yaje ku mwanya wa gatatu yatowe n’abagera 4 357 359 bangana na 23,8% nk’uko Inkuru ya Radio Okapi ibitangaza

Nk’uko Ingengabihe ya Komisiyo y’Igihugu y’amatora yigenga CENI iteye, biteganyijwe ko amajwi ya burundu azatangawa n’urukiko rushinzwe kurinda itegeko nshinga ku itariki 15 z’uku kwa mbere biteganyijwe ko kandi uzaba yemejwe nka perezida wa burundi wa Kongo-Kinshasa azarahira kuya 18 Mutarama.

Abanyekongo bagiye kongera kubona whatsapp na Internet

Kuva ku itarikiya 30/12/2018, muri Congo-Kinshasa hafunzwe internet na WHATSAPP kugirango bitifashishwa hakwirakwizwa ubutumwa bwatera imidugararo cyangwa bukabeshya rubanda ku uwaba yatsinze amatora. Kuba uwayatsinze atangajwe, biratuma izi nzira z’itumanaho zikomorerwa Abanyekongo, bongere gukoresha imbuga nkoranyambaga bisanzuye.





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO

KWAMAMAZA

KWAMAMAZA