Mukiriya, Hamagara kuri 0783734945 na 0725200315 tukwamamarize ibikorwa

INKURU ZIGEZWEHO

‘U Rwanda ni agati gasharira utapfa kurya gusa’ Perezida Kagame



Yanditswe na MUNYENTWALI Jerome Yasomwe na

Paul Kagame, Perezida w’ u Rwanda yongeye kuvuga ku kibazo cy’ abashotora u Rwanda avuga ko hari umurongo ntarengwa batararenga kuko ngo ‘U Rwanda ni agati gasharira utapfa kurya gusa’.

Ibi yabivugiye mu karere ka Huye tariki 25 Gashyantare 2019 ubwo yaganiraga n’ abavuga rikumvikana bo mu ntara y’amagepfo.

Perezida Kagame yavuze ko Abanyarwanda bakwiye gukora bakereka abaturanyi ko bafite inyungu mu mibanire myiza. Ariko ngo hari ikibazo iyo umuturanyi akweretse ko akubaniye neza kuko hari inyungu agufiteho naho ubundi atari agukeneye.

Ati “Icyo kibazo nitwe tugomba kugikemura ku buryo n’ umuturanyi abona ko adukeneye.”

Yakomeje avuga ko ibibazo by’ umutekano muke, by’ abaturuka mu magepfo bakica abaturage bizagenda bikemuka. Ngo u Rwanda rwagerageje kubyifatamo neza kuko byari bigamije gutera ikindi kibazo.

Ati “Byari nko kugira ngo bagumye badushotore bigere aho havemo ibindi... Iyo umwihoreye ikibazo kirabanza kikagaragara aho kiri. Barabikoze kenshi, turabyihorera ndetse n’ibindi hari umurongo, igihe utararenga urakomeza ukabyihorera kuko bivamo abantu batakaza ubuzima bwabo baba abasivile, baba abashinzwe umutekano ariko hari igipimo umuntu agenderaho ukavuga uti iyo bitaragera ahangaha uraguma ukabyihorera”

Perezida Kagame avuga ko uku kubigenza gake biba bigamije kureba ko bizagera aho bigatuza kandi ngo abona byaratanze umusaruro.

Umukuru w’ igihugu avuga ko ntawe ukwiye kubana nabi atabanje kugerageza kubana neza.

Yasabye abayobozi b’ inzego z’ ibanze kubwira abaturage bakirinda abashaka kwinjira mu gihugu banyuze kubo mu miryango yabo kuko nta karere kaberamo imirwano ngo abaturage ntibabihomberemo.

Perezida Kagame yavuze ko ku rundi rwego rw’ ibihugu ibibazo bihari bidakomeye kuko u Rwanda ruri gushaka uko rwabikemura.

Ati “U Rwanda bavugaga ngo iki harya?...Njye reka mbihindure. U Rwanda ni agati gasharira utapfa kurya gusa”.

Yongeyeho ati “Tuzakomeza uko bishobotse kose. Erega hari n’ abashaka kutubuza gukomeza gutera imbere. Ni uko namwe mugeraho mukirangarira ntidutere imbere uko bikwiye, ntitugendere kumuvuduko ukwiye naho ubundi ntabwo dukwiye kwemera ko abantu batuvana muri iyo nzira bakatujyana mu bindi bisenya”.


Perezida Paul Kagame mu kiganiro n’abavuga rikumvikana I Huye

Inkuru ya Ukwezi.rw





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO

KWAMAMAZA

KWAMAMAZA