Mukiriya, Hamagara kuri 0783734945 na 0725200315 tukwamamarize ibikorwa

INKURU ZIGEZWEHO

Perezida Kagame yasabye urukiko rw’ Ikirenga gukomeza kwiga ku cyaha cyo gusebya umukuru w’ igihugu



Yanditswe na MUNYENTWALI Jerome Yasomwe na

Perezida w’ u Rwanda Paul Kagame yagaragaje ko atemeranya n’ umwanzuro uherutse gufatwa n’ Urukiko rw’ Ikirenga wo kuvana mu gitabo cy’ amategeko ahana icyaha cyo gusebya umuyobozi ariko kikagumishwaho k’ Umukuru w’ Igihugu.

Mu itangazo ryashyizwe ahagaragara na Perezidanse y’ u Rwanda Perezida Kagame yasabye ko iyo ngingo ikomeza kuganirwaho.

Iryo tarangazo rigira riti “Perezida wa Repubulika yubaha ubwigenge bw’ubucamanza. Yubaha umwanzuro uherutse gufatwa n’Urukiko rw’Ikirenga ukura mu mategeko mpanabyaha ibyari ibyaha byo gukoza isoni abayobozi b’Igihugu n’abashinzwe umurimo rusange w’Igihugu, ariko ntiyemeranya no kugumisha mu mategeko mpanabyaha ingingo y’itegeko irebana no gutuka cyangwa gusebya Umukuru w’Igihugu, kandi nawe ari Umuyobozi w’Igihugu. Yemera ko ari imbonezamubano aho kuba icyaha mpanabyaha,kandi yizeye ko iki kibazo kizakomeza kuganirwaho.”

Mu kwezi kwa 3 umwaka ushize wa 2018, nibwo mu Rwanda hasohotse igitabo cy’ amategeko ahana ibyaha kivuguruye.

Umunyamategeko Mugisha Richard yahise atanga ikirego mu rukiko avuga ko zimwe mu ngingo ziri muri iki gitabo cy’ amategeko ahana zinyuranyije n’ Itegeko Nshinga ry’ u Rwanda.

Izo ngingo ni iya 233 ivuga ibijyanye no gusebya umuyobozi mukuru uri mu kazi, iya 156 ivuga ku gusebya imigenzo y’ idini n’ iya 236 ivuga ibijyanye n’ icyaha cyo gusebya umukuru w’ igihugu.

Me. Mugisha Richard avuga ko izi ngingo zibangamiye ubwisanzure bwa muntu mu gutanga ibitekerezo nk’ uko biteganywa n’ ingingo ya 18 mu itegeko nshinga ry’ u Rwanda.

Indi ngingo Me. Mugisha avuga ko inyuranyije n’itegeko nshinga ni iteganya ibihano birimo n’ igifungo ku muntu wahamijwe icyaha cy’ ubusambanyi n’ ubushoreke no guta urugo. Uyu munyamategeko yerekanaga ko iyi ngingo ibangamiye ubwisanzure n’ ubusugire bw’ umuryango, ariko urukiko rw’ Ikirenga rwategetse ko iyi ngingo igumishwa mu gitabo cy’ amategeko ahana.

Tariki 24 Mata 2019 , ubwo Perezida w’ urukiko rw’ikirenga Prof. Sam Rugege yasomaga umwanzuro w’ urukiko rw’ ikirega ku birego bya Me. Mugisha yavuze ko urukiko rwanzuye ko ingingo iteganya ibihano ku cyaha cyo gusebya umuyobozi, n’ iteganya ibihano ku cyaha cyo gusebya imigenzo y’ indini zikurwa mu gitabo cy’ amategeko ahana.

Undi mwanzuro uvuga ko ingingo iteganya ibihano ku cyaha cyo gusebya no gushushanya umukuru w’ igihugu, urukiko rwategetse ko iguma mu gitabo cy’ amategeko ahana. Urukiko rusobanura ko Perezida wa Repubulika atandukanye n’ abandi bayobozi kuko afite inshingano zirimo no kurinda ubusugire bw’ igihugu zitamwemerera kuregera indishyi mu nkiko.

Iyi ngingo igumisha mu mategeko mpanabyaha icyaha cyo gusebya no gushushanya umukuru w’ igihugu niyo Perezida Kagame atemeranya nayo kuko ashimnagira
ko umukuru w’ igihugu nawe ari umuyobozi nk’abandi. Itegeko Nshinga ry’ u Rwanda rivuga ko abantu bose bareshya imbere y’ amategeko.

Source: Ukwezi.rw





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO

KWAMAMAZA

KWAMAMAZA