Mukiriya, Hamagara kuri 0783734945 na 0725200315 tukwamamarize ibikorwa

INKURU ZIGEZWEHO

Rubavu: Ukuri kw’abaturanyi kwatumye inzu y’umuturage idasenywa kuko ngo arengana



Yanditswe na MUNYENTWALI Jerome Yasomwe na

Kuri uyu wa gatatu ubuyobozi bw’ibanze mu murenge wa Gusenyi mu karere ka Rubavu byagiye gusenya inzu y’umuryango w’uwitwa Damien Ngango ufite umugore witwa Epiphanie Uwizera buvuga ko buri gushyira mu bikora icyemezo cy’urukiko, abaturage babubera ibamba. kuko ngo icyemezo cy’urukiko cyaramurenganyije.

Mu masaha yo ku gicamunsi cyo kuri uyu wa Gatatu nibwo ubuyobozi bw’Umurenge wa Gisenyi mu karere ka Rubavu bufatanyije n’umuhesha w’inkiko bwaje gusenya inzu y’umugore witwa Epiphanie Uwizeye yasigiwe n’uwo bashakanye buvuga ko buri gushyira mu bikorwa icyemezo cy’urukiko.

Icyakora abaturanyi b’uyu mubyeyi bitambitse icyemezo cy’urukiko bavuga ko bazi neza ko uriya mugore n’uwo bashakanye baguze buriya butaka n’uwitwa Gaterura mu mwaka w’1990 kandi ngo ubu bugure bwakozwe mu buryo bwemewe n’amategeko.

Ngo ikibazo cyatangiye muri 2008 ubwo abana b’uwahoze ari umuyobozi wa selire (cellure) ya Muduha, segiteri Gisenyi muri Komini Rubavu batangiye guhuguza Uwizera nyuma y’uko umugabo we aburiwe irengero.

Urubanza rwarabaye hanyuma urukiko rwanzura ko iriya nzu yubatswe bitanyuze mu mategeko bityo ko igomba gusenywa.

Uyu muryango uvuga ko baguze ubutaka mu mwaka wa 1990 n’uwitwa Gaterura. Icyo gihe ubutaka bwari bufite numero 1924 (ubu bufite nomero 1026).

Ubwo bahungaga muri 1994 impapuro mpamo z’ubugure bw’ubutaka ngo zaratakaye, bahungutse basubira mu nzu yabo.

Bavuga kandi ko muri 2002 umugabo we yagiye mu kazi ntiyagaruka akaba amuheruka ubwo.

Uwizera yemeza ko bigeze muri 2004 abahungu b’uyu Gaterura bamwihindutse batangira kuvuga ko atuye mu butaka ataguze, bazamura ikirego.

Bitewe n’imibanire yari afitanye na Gaterura, uyu mugore avuga ko atashoboye kumusaba izindi mpapuro ngo bandikirane amasezerano ahamya agaciro k’aya mbere avuga ko yari akubiye mu nyandiko yabuze ubwo yahungaga.

Muri 2007 habaye igikorwa cyo kubarura ubutaka agiye kububaruza bamubwira ko ‘harimo akabazo.’

Ati “Twagiye kubaruza ubutaka batubwira ko harimo ibibazo dutegereza igihe ibyo bibazo bizarangirira turaheba, dusubiye ku karere tuhageze batubwira ko hari umuhungu wa Gaterura waje guhagarikisha ubwo butaka ngo kuko ari ubwabo. Mu mwaka wa 2008 ajya kuturega kwigabiza ubutaka bwabo turaburana tumutsinda kabiri mu rukiko rwisumbuye.”

Avuga ko umwe mu bahungu ba Gaterura witwa Ngango Alexis yagiye gushaka inyandiko mpimbano mu mwaka wa 2012 kugira ngo aregere izungura.

Ngo yarabajyanye mu nkiko baraburana yihutira gushaka bamwe bo mu muryango wa Ngango bamuha impapuro Se yatangiyeho iminani basanga yarahawe umugabane we.

N’ubwo abaturage bagerageje gupfubya kiriya gikowa, ngo ntibyabujije ko basenya umusarane .

Uwizeye akomeza avuga bakomeje gushakisha basanga urupapuro avuga ko ari urwizungura umukono udasa n’urwuwahoze ari Burugumesitiri wa Komini Rubavu.

Ibi babifashe nko guhimba inyandiko bajyana ikirego muri RIB numero y’ikirego ikaba ari 00764/IPRL RUB/2019/DM/CMS. icyakora nyuma Ngango Alexis baramushatse baramubura kuko ngo yahungiye muri Congo.

Abaturanyi b’uyu muryango bose bemeza ko bamaze igihe kinini batuye muri ubu butaka ariko bakaba baratunguwe no kwumva ko bari mu manza n’umuryango wa Gaterura Ladislas kandi yarahagurishije bareba.

Umwe mu baturanyi b’uyu muryango witwa Kamanzi Zacharie avuga ko uyu muryango ugura ubutaka yari ahari.

Ngo n’ubwo atasinye ku bagabo babonye igurisha n’igura rya buriya butaka, yemeza ko yari ahari.

Asaba ko byibuze urukiko rwajya ruzana imanza nk’izi aho umutungo uherereye kugirango abaturage batange ubuhamya.

Ku ruhande rw’abarega nk’uko tubikesha Umuseke.rw, ngo banze kugira icyo batangaza ndetse n’umuhesha w’inkiko ntiyagize icyo avuga ku byabaye kuri uyu wa Gatatu .

Umunyamabanga Nshingwabikorwa w’Akagari ka Bugoyi Rudasingwa Theogene yasabye abahesha b’inkiko kujya baza kurangiza imanza bitwaje inzego z’umutekano kuko hari hagiye abaturage babyitambikamo.

Inyubako yagombaga gusenywa igizwe n’inzu y’ubucuruzi ifite imiryango itatu ndetse n’igikari kirimo inzu zikodeshwa ikaba iherereye mu murenge wa Gisenyi, akagari ka Bugoyi, umudugudu wa Muduha.


Ubwa mbere baraje babanza gusenya igice cy’ubwiherero


Kuri iyi nshuro abaturage babaye ibamba banga ko iyi nzu isenywa





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO

KWAMAMAZA

KWAMAMAZA