Mukiriya, Hamagara kuri 0783734945 na 0725200315 tukwamamarize ibikorwa

INKURU ZIGEZWEHO

Amarangamutima ya Kizito Mihigo ubwo yizihizaga umwaka amaze ahawe imbabazi na Perezida



Yanditswe na Uzabakiriho Jean Gabriel Yasomwe na

Kizito Mihigo, umuhanzi ukomeye mu bihangano byiganjemo ubutumwa bwegeranya abantu n’Imana yakoreye igitaramo muri Paruwasi ya Mutete muri Diyosezi Gatolika ya Byumba yishimirwa na benshi; anabibutsa kwibuka gushima Imana muri byose.

Iki gitaramo cyari muri gahunda y’ibitaramo byo gushimira Imana uyu muhanzi maze umwaka akora muri diyosezi zitandukanye z’igihugu.

Itariki ya 15 Nzeri isobanuye byinshi kuri uyu muhanzi kuko aribwo yahawe imbabazi na Perezida Kagame, akava muri gereza yari amazemo imyaka ine n’igice.

Kizito umenyerewe muri Kiliziya Gatolika kuri iki Cyumweru, yagarutse ku butumwa bwo gushimira Imana kubera ibyiza igirira abantu, ibinyujije mu nzira zitandukanye.

Ati “Akenshi tuba twumva twashimira Imana ibihe byiza twagize, ariko tukibagirwa ko no mu bihe bibi dushobora kuhahurira n’Imana ikatwigaragariza”.

Yatanze urugero rw’umuntu w’umukire warwaye akaremba, maze muri icyo gihe akarushaho gusenga no kwiyegereza Imana.

Ati “N’ubwo Imana atari yo idutera ibyago duhura nabyo, navuga ko iyo bitubayeho ishobora kuboneraho ikatwiyereka, natwe tukayigarukira nka wa mwana w’ikirara. Ubutunzi n’ibijyanye n’ishema ryo ku Isi byo, akenshi bitubera ibigirwamana.”

Muri iki gitaramo Kizito yaririmbye indirimbo nka “Aho kuguhomba yaguhombya”, “Nyina wa Jambo”, “Inuma”, Yohani yarabyanditse”, n’izindi.
Mbere y’igitaramo, Kizito afatanije n’umuhanzi Faida Albert ndetse na korali ya paruwasi ya Mutete bizihije igitambo cya Misa bakoresheje indirimbo za kera zo mu gitabo cy’umukirisitu.

Paruwasi ya Mutete imaze igihe gito ishinzwe ikaba inafite Kiliziya nshya yubatswe n’abakirisitu, yaboneyeho mu gitaramo cy’uyu muhanzi ikoresha ituro ridasanzwe rigamije kugura umurindankuba wo kurinda iyo ngoro. Habashije gukusanywa amafaranga asaga miliyoni imwe y‘amafaranga y’u Rwanda.

Paruwasi ya Mutete yashimiye Kizito Mihigo ubufasha bwe muri iki gikorwa imuha impano y’ishusho ya Kiliziya ya Paruwasi Mutete.


Kizito yataramiye muri Paruwasi ya Mutete


Kizito yahawe impano na Paruwasi ya Mutete

Source:Igihe





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO

KWAMAMAZA

KWAMAMAZA