Mukiriya, Hamagara kuri 0783734945 na 0725200315 tukwamamarize ibikorwa

INKURU ZIGEZWEHO

Miss Kalimpinya yitabiriye inama y’urubyiruko izabera ku cyicaro cya Loni



Yanditswe na Uzabakiriho Jean Gabriel Yasomwe na

Miss Kalimpinya Queen kuri ubu ari kubarizwa ku butaka bwa Leta Zunze Ubumwe za Amerika aho yitabiriye inama ihuza urubyiruko rwo muri Afurika igomba kubera ku cyicaro cy’Umuryango w’Abibumbye i New York.

Kuwa kabiri tariki 24 Nzeri 2019 nibwo Kalimpinya yageze i New York. Akigera ku kibuga cy’indege yagiranye ikiganiro kigufi na IGIHE ari na cyo dukesha iyi nkuru, ahamya ko yitabiriye inama y’umuryango uhuza urubyiruko rwa Afurika witwa ROJALNU (Reseau des organization des jeunes leaders Africains des Nation Unies).

Kalimpimya yavuze ko iyo nama izarangira tariki 27 Nzeri 2019 agahita ataha i Kigali.

Uyu mukobwa yitabiriye iyi nama nyuma yuko umwaka ushize (2018) yari yitabiriye inteko rusange y’uyu muryango yabere muri Burkina Faso.

Iyi nama Kalimpinya yitabiriye byitezwe ko igomba kubera i New York ku cyicaro gikuru cy’Umuryango w’Abibumbye aho ahurira n’urundi rubyiruko rwinshi rwo muri Afurika bahuriye muri uyu muryango.

Iyo nama iziga ku iterambere ry’urubyiruko n’uruhare rwarwo mu ishyira mu bikorwa ry’intego z’iterambere rirambye (SDGs).

Kalimpinya yishimiye kuba umwe mu bitabiriye iyo nama, avuga ko azungukiramo byinshi azasangiza bagenzi be b’abanyarwanda.

Uyu muryango w’urubyiruko uhuza abayobozi bakiri bato b’Abanyafurika, Kalimpinya yawinjiyemo kubera imishinga yagiye ayobora nyuma yo kuva mu irushanwa rya Miss Rwanda 2017.

Miss Kalimpinya yabaye igisonga cya gatatu cya Nyampinga w’u Rwanda mu mwaka wa 2017.





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO

KWAMAMAZA

KWAMAMAZA