Mukiriya, Hamagara kuri 0783734945 na 0725200315 tukwamamarize ibikorwa

INKURU ZIGEZWEHO

Kuba Mutuwele de Sante itavura Indwara zose z’Abantu bafite Ubumuga, ni Imbogamizi ikomeye kuri bo mu buzima bwabo.



Yanditswe na Yasomwe na

Abagize Komite nyobozi za NCPD ku rwego rw’utugari n’Imirenge byo mu Turere tugize umujyi wa Kigali bagaragaje Iki kibazo nk’imbogamizi ituma ubuzima baba mo bugenda burushaho kubakomererera nk’abantu bafite ubumuga.

Muri Rusange bashima uko bitabwaho mu mishinga itandukanye ihindura imibereho myiza yabo, bashima ko ubwisungane mu Kwivuza, Mutuel de Sante ibavuza, ariko ikagira aho igarukira ntibashe kubakemurira ibibazo byabo byose mu buvuzi baba bakeneye gukemurirwa. Bimwe mubyo bavuga itajya ibasha kubavuza harimo Guhabwa Ingingo mu gihe ufite ubumuga abwiwe ko ari yo yakemura ikibazo cye.

HABANABAKIZE Innocent

Twaganiriye na bamwe muri bo, uwitwa HABANABAKIZE Innocent umwe mu bantu bafite ubumuga, akaba na Visi korudinateri w’abafite ubumuga mu kagari ka Nyabugogo agira ati ”Nkanjye mba mu kiciro cya 3 cy’ubudehe, kandi sindararanya ntishyuye Mituwele yanjye,n’umuryango wanjye, nayamra ariko ubu bwisungane hari aho bugera bugahagarara , bigatandukana n’uko tuba twayisunze, nk’ubui iyo Ucitse akaguru ntabwo buguhesha Insimburangingo cyangwa inyunganirangingo,ubaye ufite ubumuga bwo mu mutwe ntabwo Mituwele yakujyana Indera,rwose nanjye nsanga aha hakenewe ubundi buvugizi, Mutuele yagure imbibe ibashe kujya ituvuza ku ndwara zose, kuko rwose usanga uko yifashishwa bidukoma mu nkokora nk’abantu bafite ubumuga” Cyakora Uyu mugabo avuga ko babasha guhabwa ubutabazi bw’ibanze hifashishijwe Ubwisungane mu kwivuza, bigahagarara bitewe n’uko ubumuga bwao bugenda burushaho gusaba ibikomeye.

UMUMARARUNGU Jeanne

UMUMARARUNGU Jeanne, nawe ahamya ko mutuel de sante igera aho ihagarara ntibafashe, agira ati ” Nibyo, dufite Imbogamizi zo kuba tutarimo kwivuza neza, Mituwele iratuvuza ariko ikagira aho igarukira, tturasaba ko abadukuriye bashaka uko baduha ubundi bwishingizi nk’abantu bafite ubumuga bityo bujye budufasha mu gihe Mutuel de Sante iba igeze aho idashoboye kudufasha, nk’ubu ntiwaba ukeneye poruteze ngo mituwele iyiguheshe, Indorerwamo zihenze ntiyaziguhesha…”
Uwizeyimana Venuste, nawe afite ubumuga agira ati ” Ubundi dukurikije uko ubumuga bwacu buba buteye buri mwaka,dusabwa kujya duhura na muganga akareba uko ubumuga bwacu buhagaze, ariko hari igihe akubwira ati ukeneye Imiti , insimburngingo iyi n’iyi, ugasanga Mutuel de sante ntibasha kubiguhesha, iki kibazo turagifite, byaba byiza Mituwele de sante ifashe ubumuga tuba dufite ikabutuvuza ijana ku ijana, Ikaduhesha ingingo dukenera, Inkoni z’abantu batabona, Apareye zo mu matwi na Poruteze byose”.

MUKAKAMANZI Marthe

Umuyobozi ushinzwe Imibereho myiza y’Abantu bafite ubumuga mu Karere ka Nyarugenge Madamu MUKAKAMANZI Marthe, Ashimangira ko hari indwara nyinshi zifashwa na Mutuel de sante, Ariko hakaba n’izindi itajya ibasha gufasha ba nyirazo ,cyakora avuga ko hari ubuvugizi buri gukorerwa Abantu bafite ubumuga . Agira ati” Ubu bari kwiga buryo ki Umuntu ufite ubumuga yabona insimburangingo n’inyunganirangingo hifashishijwe Mutuel de Sante, Ariko hari ubumuga buba bukomeye, bukeneye kubagwa, bukeneye Imiti Ihambaye ku buryo Mutuel itabasha gutanga izo serivisi” Avuga ko nk’inzego z’ubuyobozi zihagarariye abantu bafite ubumuga bagiye kurushaho gukora ubuvugizi mu buyobozi bwo hejuru.

Ibi kandi binashimangirwa na bwana KANANGA Richard,Umuhuzabikorwa w’Inama y’Igihugu y’Abantu bafite ubumuga mu Karere ka Nyarugenge, uvuga ko mu ngengo y’Imari y’akarere habanza kurebwa abababaye kurusha abandi bagashyirirwaho ingengo y’imari igomba kubavuza by’umwihariko, bityo ngo ubushake bwo kuvuza abantu bafite ubumuga kuri buri rwego rw’ubumuga burahari.

Honorable RUSIHA Gaston

Honorable RUSIHA Gaston uhagarariye inyungu z’Abantu bafite ubumuga mu nteko ishinga amategeko asobanura ko, hateganyijwe ko abantu bafite ubumuga bagomba kujya bahabwa iya mbere muri serivisi z’ubuvuzi n’ubwo bitarafata imbaraga nyinshi. ngo biteganyijwe ko igihe kizagera, inyunganirangingo n’insimburangingo zikazajya zihabwa abantu bafite ubumuga”Ibi bizashoboka kuko Inama y’Igihugu y’Abantu bafite Ubumuga na Sosiyete yo mu Budage bagiranye amasezerano yo kukora uruganda rukora inyunganirangingo n’insimburangingo, kandi ubu ruri kubakwa I Gahini mu Karere ka Kayonza, ubu ruri hafi gutangira gukora, kandi ruzaba rufite ubushobozi bwo guhaza isoko ry’u Rwanda n’ibindi bihugu bidukikije” Ashimangira ko igihe ibi bizaba byamaze gukunda, nta mbogamizi abantu bafite ubumuga bakenera izo nsimburangingo n’inyunganira ngingo bazongera guhura nazo kuko Ubwisungane mu Kwivuza (Mutuel de sante) buzaba bubyishyura, imbogamizi zadidije iyi gahunda nk’uko abigaragaza ni ibiciro bihuriweho ku bikoresho byose bikenerwa n’abantu bafite ubumuga (Common Tarrif), n’iboneka ry’insimburangingo ubwazo; ibi byose bikaba gusa nk’aho byabonewe umuti n’ubwo utaravugutwa neza.





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO

KWAMAMAZA

KWAMAMAZA