Mukiriya, Hamagara kuri 0783734945 na 0725200315 tukwamamarize ibikorwa

INKURU ZIGEZWEHO

Urukingo rwa Coronavirus rwageragerejwe ku bantu bwa mbere



Yanditswe na MUNYENTWALI Jerome Yasomwe na

Abarwayi bane batewe inshinge z’uru rukingo ku kigo cy’ubushakashatsi cya Kaiser Permanente kiri i Seattle muri leta ya Washington ho muri Leta zunze ubumwe za Amerika, Uru rukingo ntabwo rushobora gutera Covid-19 ariko rufite igice kirugize cyavanwe muri iyi virus itera iyi ndwara.

Nk’uko bivugwa n’ibiro ntaramakuru by’abanyamerika (Associated Press), ngo abahanga bavuga ko bizafata amezi menshi kumenya niba uru rukingo, cyangwa izindi ziri mu bushakashatsi, ruzakora.

Umuntu wa mbere watewe uru rukingo ejo kuwa mbere, ni umugore wo muri Seattle w’imyaka 43 ufite abana babiri.

Uyu mugore witwa Jennifer Haller yabwiye AP ati: "Aya ni amahirwe akomeye kuri njye yo kugira icyo nkora".


Urukingo rwageragejwe

Abashakashatsi ku isi bari gukora iyo bwabaga bashaka urukingo rw’iki cyorezo vuba. Iri gerageza rya mbere rikorewe ku bantu ni indi ntambwe kuko amagerageza menshi yakorerwaga ku nyamaswa.

Dr John Tregoning, inzobere mu ndwara z’ibyorezo zandura wo muri Imperial College London mu Bwongereza yabwiye BBC dukesha iyi nkuru ko uru rukiko rwageragejwe rwifashishije ikoranabuhanga risanzweho.

Ati: "Rukoze mu bintu dusanzwe tuzi ko bitagira ingaruka mbi ku muntu kandi ababigizemo uruhare nabo barakomeza gukurikiranwa. Nibyo, birihutisha ubushakashatsi ariko ntibisanzwe kuri virus".

Inkingo zimeze gutya za virusi, nk’iseru, zikorwa kuri virus zacitse intege cyangwa zapfuye.

Abatewe uru rukingo rwakozwe bazahabwa ingano (dose) zitandukanye zarwo. Buri wese azaterwa ku kaboko hagana ku rutugu, inshinge ebyiri mu minsi 28 itandukanye
.
Abahanga bavuga ko nubwo iri gerageza rya mbere ryatanga umusaruro, bishobora gufata amezi 18 kugira ngo uru rukingo rukwizwe mu bantu.





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO

KWAMAMAZA

KWAMAMAZA