Mukiriya, Hamagara kuri 0783734945 na 0725200315 tukwamamarize ibikorwa

INKURU ZIGEZWEHO

Dr. Pierre-Damien Habumuremyi wari Minisitiri w’intebe yafunzwe



Yanditswe na MUNYENTWALI Jerome Yasomwe na

Pierre-Damien Habumuremyi ukuriye urwego rushinzwe intwari z’igihugu mu Rwanda yafunzwe akurikiranyweho ibyaha by’ubuhemu nk’uko byamezwa n’urwego rukurikirana ibyaha.

Bwana Dr. Habumuremyi Damien yabaye Minisitiri w’intebe w’u Rwanda kuva mu 2011 kugeza mu 2014, mbere y’uwo mwanya yari amaze amezi atanu ari Minisitiri w’uburezi.

Dominique Bahorera, umuvugizi w’umusigire w’urwego rw’igihugu rushinzwe ubugenza cyaha mu Rwanda, yabwiye BBC ko Bwana Habumuremyi yafunzwe ku wa gatanu kubera ibyaha akekwaho ko yakoze mu 2019.

Uruhande rwa Bwana Habumuremyi ntacyo ruratangaza ku byaha aregwa.

Bwana Bahorera agira ati: "Akurikiranyweho icyaha cyo gutanga sheki zitazigamiye n’icyaha cy’ubuhemu, ibi byaha akekwaho yabikoze ubwo yari umuyobozi wa kaminuza yashinze ya Christian University of Rwanda".

"Iyo kaminuza yagiye ihura n’ibibazo akabura amafaranga yo gukoresha akagenda afata amadeni ahantu hatandukanye akishyura amasheki atazigamiye hakaba n’abo afatira amafaranga mu buryo bw’ubuhemu".

Kuki akurikiranywe ubu?

Bwana Bahorera avuga ko abantu barega Bwana Habumuremyi ngo "yagiye abasaba kumwihanganira ngo arebe ko azabishyura".

Ati: "…ubushobozi bwo kubishyura bugomba kuba bwarabaye bucye, nibwo batangiye kuza gutanga ibirego muri uyu mwaka".

Bwana Habumuremyi azashyikirizwa inkiko mu gihe kitarenze iminsi ine afunzwe nk’uko umuvugizi w’urwego rukurikirana ibyaha abivuga.

Inkuru ya BBC





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO

KWAMAMAZA

KWAMAMAZA