Mukiriya, Hamagara kuri 0783734945 na 0725200315 tukwamamarize ibikorwa

INKURU ZIGEZWEHO

Impinduramatwara mu muziki: Impano ya Ish Kevin na Kenny K Shot ziri kwirahirwa



Yanditswe na UZABAKIRIHO Jean Gabriel Yasomwe na

Impano ya Ish Kevin na Kenny K Shot zikomeje gutangarirwa na benshi ndetse hari n’abadatinya kubagereranya n’abandi bakomeye ku Isi muri iki gihe barimo nka Kendrick Lamar cyangwa se Pop Smoke uherutse kwitaba Imana.

Aba basore bombi baririmba Trap Music, ndetse bakunzwe na benshi biganjemo urubyiruko.

Ish Kevin imiririmbire ye yayihaye inyito ya ‘Trappish Music’, aririmba cyane mu Kinyarwanda mu gihe mugenzi we Kenny K Shot aririmba cyane mu Cyongereza.

Igihe cyanditse ko mu ndirimbo nshya aba bombi bahuriyemo n’undi witwa Mevin Trapper, bise ‘Macuri’ yishimiwe cyane n’abasanzwe babakurikirana ndetse n’abandi batangiye kubiyumvamo kubera ibihangano bamaze iminsi bashyira hanze.

Iyi ndirimbo mu buryo bw’amajwi yakozwe na Kin Beat naho amashusho afatwa na Gabin Ty.

Iyi ndirimbo ivuga ko abantu bafata abantu baririmba Trap nk’ibirara kandi atari ko bimeze, ahubwo bakavuga ko bagiye gukomeza gukora mpaka bigaruriye imitima ya benshi.

Mu nyikirizo Ish Kevin ati “Trappish njye na gang turi gukora umuti, ubu mission yacu ni ugukaba umujyi, burya abatuziza ko tubabwiza ukuri mind zabo zibara macuri.”

Mu bitekerezo bimaze gutangwa kuri iyi ndirimbo benshi bakomeje kugaragaza ko aba basore bafite impano itangaje kandi bazagera kure.

Ish Kevin amazina asanzwe yitwa Semana Kevin Ishimwe. Yavutse mu 1997. Ni umwe mu bahanzi bari kwitwara neza mu muziki wa Hip Hop ndetse araharawe cyane cyane ku bakoresha imbuga nkoranyambaga.

Yatangiye umuziki mu 2017. Amaze gukora indirimbo 23 zose zikaba ziri hanze. Avuga ko afite gahunda y’uko namara kugera kure azafasha abandi bahanzi bazaba batarazamuka.

Ati “Ahazaza hanjye mu muziki ni ugufatisha abakunzi b’umuziki nyarwanda ndetse no hanze yayo. Ndi gutegura album. Ngomba kugera kure nkanategurira abandi bahanzi bazaza nyuma yanjye.”

Kenny K-Shot we, ubusanzwe yitwa Kenny Rulisa, afite imyaka 21. Yasoje amashuri yisumbuye mu 2017 mu ishami ry’Imibare, Ubukungu n’Ubumenyi bw’Isi (MEG); muri Lycée de Kigali.

Uyu muraperi, mu miririmbire ye cyane yibanda kuri Trap kandi akaririmba mu rurimi rw’Icyongereza. Avuga ko afite gahunda yo guhindura imyumvire y’abantu bumva ko abahanzi b’Abanyarwanda bagomba kuririmba mu Kinyarwanda gusa.

Amaze gukora zirenga 30 zirimo 26 ziri kuri Mixtape ye yashyize hanze mu mwaka ushize, yitwa Inception. Aheruka gushyira hanze indirimbo yitwa ‘Dreams’.





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO

KWAMAMAZA

KWAMAMAZA